Humiga ka

sa unang nakapatong sa aking pagkakaupo

Ikaw ba’y natutulog

o nagtutulug-tulugan lang?

Iniharap ko ang iyong mukha

Para sa isang usapang seryoso

Tinanong kita. Sumagot ka.

Tinanong kita. Sumagot ka.

Tinanong kita. Umiwas ka.

Iniwas ang tingin sa akin.

Pilit kong hinarap ka sa akin

para sumagot.

Inilapit mo ang iyong mukha. At lumapit din naman ako.

Nagtitigan tayo

at naramdaman ng isa’t-isa

ang rubdob na malalim

Umiwas ako

sa iyong hangarin

Sa ating paglabas

pawang nakangiti

ating mga mukha

Di alintana ang kinikimkim na luha at sakit

Sa aking paglisan

iyong taglay ang isang halik